श्रीहरिहरात्मजाष्टकम्
हरिवरासनं विश्वमोहनम्
हरिदधीश्वरमाराध्यपादुकम् ।
अरिविमर्दनं नित्यनर्तनम्
हरिहरात्मजं देवमाश्रये ॥ १ ॥
चरणकीर्तनं भक्तमानसम्
भरणलोलुपं नर्तनालसम् ।
अरुणभासुरं भूतनायकम्
हरिहरात्मजं देवमाश्रये ॥ २ ॥
प्रणयसत्यकं प्राणनायकम्
प्रणतकल्पकं सुप्रभाञ्चितम् ।
प्रणवमन्दिरं कीर्तनप्रियम्
हरिहरात्मजं देवमाश्रये ॥ ३ ॥
तुरगवाहनं सुन्दराननम्
वरगदायुधं वेदवर्णितम् ।
गुरुकृपाकरं कीर्तनप्रियम्
हरिहरात्मजं देवमाश्रये ॥ ४ ॥
त्रिभुवनार्चितं देवतात्मकम्
त्रिनयनप्रभुं दिव्यदेशिकम् ।
त्रिदशपूजितं चिन्तितप्रदम्
हरिहरात्मजं देवमाश्रये ॥ ५ ॥
भवभयापहं भावुकावकम्
भुवनमोहनं भूतिभूषणम् ।
धवलवाहनं दिव्यवारणम्
हरिहरात्मजं देवमाश्रये ॥ ६ ॥
कलमृदुस्मितं सुन्दराननम्
कलभकोमलं गात्रमोहनम् ।
कलभकेसरीमाजिवाहनम्
हरिहरात्मजं देवमाश्रये ॥ ७ ॥
श्रितजनप्रियं चिन्तितप्रदम्
श्रुतिविभूषणं साधुजीवनम् ।
श्रुतिमनोहरं गीतलालसम्
हरिहरात्मजं देवमाश्रये ॥ ८ ॥
॥ इति श्री हरिहरात्मजाष्टकं सम्पूर्णम् ॥
शरणं अय्यप्पा स्वामी शरणं अय्यप्पा ।
Ayyappan Swami ||
Shri Harivarasanam Ashtakam English
shriihariharaatmajaashṭakam
harivaraasanam vishvamohanam
haridadhiishvaramaaraadhyapaadukam .
arivimardanam nityanartanam
hariharaatmajam devamaashraye ॥ १ ॥
charaṇakiirtanam bhaktamaanasam
bharaṇalolupam nartanaalasam .
aruṇabhaasuram bhuutanaayakam
hariharaatmajam devamaashraye ॥ २ ॥
praṇayasatyakam praaṇanaayakam
praṇatakalpakam suprabhaañchitam .
praṇavamandiram kiirtanapriyam
hariharaatmajam devamaashraye ॥ ३ ॥
turagavaahanam sundaraananam
varagadaayudham vedavarṇitam .
gurukṛpaakaram kiirtanapriyam
hariharaatmajam devamaashraye ॥ ४ ॥
tribhuvanaarchitam devataatmakam
trinayanaprabhun divyadeshikam .
tridashapuujitam chintitapradam
hariharaatmajam devamaashraye ॥ ५ ॥
bhavabhayaapaham bhaavukaavakam
bhuvanamohanam bhuutibhuushaṇam .
dhavalavaahanam divyavaaraṇam
hariharaatmajam devamaashraye ॥ ६ ॥
kalamṛdusmitam sundaraananam
kalabhakomalam gaatramohanam .
kalabhakesariimaajivaahanam
hariharaatmajam devamaashraye ॥ ७ ॥
shritajanapriyam chintitapradam
shrutivibhuushaṇam saadhujiivanam .
shrutimanoharam giitalaalasam
hariharaatmajam devamaashraye ॥ ८ ॥
॥ iti shrii hariharaatmajaashṭakam sampuurṇam ॥
sharaṇam ayyappaa svaamii sharaṇam ayyappaa .
Ayyappan Swami || Shri Harivarasanam Ashtakam Video
Tags:
aartiya