दोहा : श्रीगुरु चरन सरोज रज, निज मनु मुकुरु सुधारि।
बरनऊं रघुबर बिमल जसु, जो दायकु फल चारि।।
बुद्धिहीन तनु जानिके, सुमिरौं पवन-कुमार।
बल बुद्धि बिद्या देहु मोहिं, हरहु कलेस बिकार।।
चौपाई : जय हनुमान ज्ञान गुन सागर।
जय कपीस तिहुं लोक उजागर।।
रामदूत अतुलित बल धामा।
अंजनि-पुत्र पवनसुत नामा।।
महाबीर बिक्रम बजरंगी।
कुमति निवार सुमति के संगी।।
कंचन बरन बिराज सुबेसा।
कानन कुंडल कुंचित केसा।।
हाथ बज्र औ ध्वजा बिराजै।
कांधे मूंज जनेऊ साजै।
संकर सुवन केसरीनंदन।
तेज प्रताप महा जग बन्दन।।
विद्यावान गुनी अति चातुर।
राम काज करिबे को आतुर।।
प्रभु चरित्र सुनिबे को रसिया।
राम लखन सीता मन बसिया।।
सूक्ष्म रूप धरि सियहिं दिखावा।
बिकट रूप धरि लंक जरावा।।
भीम रूप धरि असुर संहारे।
रामचंद्र के काज संवारे।।
लाय सजीवन लखन जियाये।
श्रीरघुबीर हरषि उर लाये।।
रघुपति कीन्ही बहुत बड़ाई।
तुम मम प्रिय भरतहि सम भाई।।
सहस बदन तुम्हरो जस गावैं।
अस कहि श्रीपति कंठ लगावैं।।
सनकादिक ब्रह्मादि मुनीसा।
नारद सारद सहित अहीसा।।
जम कुबेर दिगपाल जहां ते।
कबि कोबिद कहि सके कहां ते।।
तुम उपकार सुग्रीवहिं कीन्हा।
राम मिलाय राज पद दीन्हा।।
तुम्हरो मंत्र बिभीषन माना।
लंकेस्वर भए सब जग जाना।।
जुग सहस्र जोजन पर भानू।
लील्यो ताहि मधुर फल जानू।।
प्रभु मुद्रिका मेलि मुख माहीं।
जलधि लांघि गये अचरज नाहीं।।
दुर्गम काज जगत के जेते।
सुगम अनुग्रह तुम्हरे तेते।।
राम दुआरे तुम रखवारे।
होत न आज्ञा बिनु पैसारे।।
सब सुख लहै तुम्हारी सरना।
तुम रक्षक काहू को डर ना।।
आपन तेज सम्हारो आपै।
तीनों लोक हांक तें कांपै।।
भूत पिसाच निकट नहिं आवै।
महाबीर जब नाम सुनावै।।
नासै रोग हरै सब पीरा।
जपत निरंतर हनुमत बीरा।।
संकट तें हनुमान छुड़ावै।
मन क्रम बचन ध्यान जो लावै।।
सब पर राम तपस्वी राजा।
तिन के काज सकल तुम साजा।
और मनोरथ जो कोई लावै।
सोइ अमित जीवन फल पावै।।
चारों जुग परताप तुम्हारा।
है परसिद्ध जगत उजियारा।।
साधु-संत के तुम रखवारे।
असुर निकंदन राम दुलारे।।
अष्ट सिद्धि नौ निधि के दाता।
अस बर दीन जानकी माता।।
राम रसायन तुम्हरे पासा।
सदा रहो रघुपति के दासा।।
तुम्हरे भजन राम को पावै।
जनम-जनम के दुख बिसरावै।।
अन्तकाल रघुबर पुर जाई।
जहां जन्म हरि-भक्त कहाई।।
और देवता चित्त न धरई।
हनुमत सेइ सर्ब सुख करई।।
संकट कटै मिटै सब पीरा।
जो सुमिरै हनुमत बलबीरा।।
जै जै जै हनुमान गोसाईं।
कृपा करहु गुरुदेव की नाईं।।
जो सत बार पाठ कर कोई।
छूटहि बंदि महा सुख होई।।
जो यह पढ़ै हनुमान चालीसा।
होय सिद्धि साखी गौरीसा।।
तुलसीदास सदा हरि चेरा।
कीजै नाथ हृदय मंह डेरा।।
Shri Hanuman Chalisa Lyrics in English
दोहा : पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप।।
Dohaa : shriiguru charan saroj raj, nij manu mukuru sudhaari.
baranauun raghubar bimal jasu, jo daayaku phal chaari..
buddhihiin tanu jaanike, sumirown pavan-kumaara.
bal buddhi bidyaa dehu mohin, harahu kales bikaara..
Chopai : jay hanumaan jñaan gun saagara.
jay kapiis tihun lok ujaagara..
raamaduut atulit bal dhaamaa.
amjani-putr pavanasut naamaa..
mahaabiir bikram bajarangii.
kumati nivaar sumati ke sangii..
kanchan baran biraaj subesaa.
kaanan kunḍal kunchit kesaa..
haath bajr ow dhvajaa biraajai.
kaandhe muunj janeuu saajai.
sankar suvan kesariinandana.
tej prataap mahaa jag bandana..
vidyaavaan gunii ati chaatura.
raam kaaj karibe ko aatura..
prabhu charitr sunibe ko rasiyaa.
raam lakhan siitaa man basiyaa..
suukshm ruup dhari siyahin dikhaavaa.
bikaṭ ruup dhari lank jaraavaa..
bhiim ruup dhari asur samhaare.
raamachandr ke kaaj samvaare..
laay sajiivan lakhan jiyaaye.
shriiraghubiir harashi ur laaye..
raghupati kiinhii bahut badaaii.
tum mam priy bharatahi sam bhaaii..
sahas badan tumharo jas gaavain.
as kahi shriipati kanṭh lagaavain..
sanakaadik brahmaadi muniisaa.
naarad saarad sahit ahiisaa..
jam kuber digapaal jahaan te.
kabi kobid kahi sake kahaan te..
tum upakaar sugriivahin kiinhaa.
raam milaay raaj pad diinhaa..
tumharo mantr bibhiishan maanaa.
lankesvar bhae sab jag jaanaa..
jug sahasr jojan par bhaanuu.
liilyo taahi madhur phal jaanuu..
prabhu mudrikaa meli mukh maahiin.
jaladhi laanghi gaye acharaj naahiin..
durgam kaaj jagat ke jete.
sugam anugrah tumhare tete..
raam duaare tum rakhavaare.
hot n aajñaa binu paisaare..
sab sukh lahai tumhaarii saranaa.
tum rakshak kaahuu ko ḍar naa..
aapan tej samhaaro aapai.
tiinon lok haank ten kaanpai..
bhuut pisaach nikaṭ nahin aavai.
mahaabiir jab naam sunaavai..
naasai rog harai sab piiraa.
japat nirantar hanumat biiraa..
sankaṭ ten hanumaan chhudaavai.
man kram bachan dhyaan jo laavai..
sab par raam tapasvii raajaa.
tin ke kaaj sakal tum saajaa.
owr manorath jo koii laavai.
soi amit jiivan phal paavai..
chaaron jug parataap tumhaaraa.
hai parasiddh jagat ujiyaaraa..
saadhu-sant ke tum rakhavaare.
asur nikandan raam dulaare..
ashṭ siddhi now nidhi ke daataa.
as bar diin jaanakii maataa..
raam rasaayan tumhare paasaa.
sadaa raho raghupati ke daasaa..
tumhare bhajan raam ko paavai.
janam-janam ke dukh bisaraavai..
antakaal raghubar pur jaaii.
jahaan janm hari-bhakt kahaaii..
owr devataa chitt n dharaii.
hanumat sei sarb sukh karaii..
sankaṭ kaṭai miṭai sab piiraa.
jo sumirai hanumat balabiiraa..
jai jai jai hanumaan gosaaiin.
kṛpaa karahu gurudev kii naaiin..
jo sat baar paaṭh kar koii.
chhuuṭahi bandi mahaa sukh hoii..
jo yah padhai hanumaan chaaliisaa.
hoy siddhi saakhii gowriisaa..
tulasiidaas sadaa hari cheraa.
kiijai naath hṛday mamh ḍeraa..
Dohaa : pavan tanay sankaṭ haran, mangal muurati ruupa.
raam lakhan siitaa sahit, hṛday basahu sur bhuupa..
Shri Hanuman Chalisa Lyrics Video